Ang Manwal ng Organisasyon at Pamumuno ay nilikha upang suportahan ang Bangsamoro AgriEnterprise Program (EU BAEP) sa rehiyon ng BARMM (Bangsamoro Autonomous Region in Muslim Mindanao), partikular na sa sektor ng agrikultura at pangingisda sa BASULTA. Pangunahing pokus ng manwal ang mga umiiral na Farmers and Fisherfolks Organizations (FFOs) na sakop ng proyekto, pati na rin ang mga bagong organisadong samahan, mga kalahok sa proyekto, at mga benepisyaryo. Karamihan sa kanila ay nasa proseso pa ng pagrerehistro ng kanilang mga samahan sa mga ahensiya ng gobyerno tulad ng Ministry of Labor and Employment (MOLE).

Inilaan ang manwal na ito upang magabayan ang mga lider at mga miyembro ng parehong samahan ng mga magsasaka at mangingisda, pati na rin ang mga indibidwal na nais lumahok sa mga umiiral na FFOs sa kani-kanilang lugar ng operasyon. Isang mabuting patakaran ng organisasyon ang pagsasagawa ng masusing “Membership Orientation” sa bawat aplikante at miyembro upang matiyak ang pamilyaridad ng lahat sa mahahalagang tema na tinalakay sa manwal, partikular na ang mga paksang may kinalaman sa katangian ng liderato, mga pangunahing halaga, prinsipyo ng organisasyon, transparensi at konsistensi sa pamumuno, estruktura ng organisasyon, at ang mga tinukoy na tungkulin at gampanin ng opisyales at miyembro, at ang pagresolba sa mga di-pagkakaunawaan.

Ang tagumpay ng isang organisasyon ay nakadepende sa pagsasaayos at pagtutulungan ng mga lider at miyembro sa pagtugon sa mga mahahalagang aspekto na ito. Dapat ding tandaan na karamihan sa mga tinulungan na FFO ay hindi pa opisyal na narehistro upang magkaroon ng “legal na personalidad”; subalit kapag ito ay naitala nang ayon sa batas, magiging lehitimong mga “juridical entities” ang mga samahang ito.

Ang pagbuo ng manwal ay nakaangkla sa mga pangunahing prinsipyo na nakasaad sa Konstitusyon at By-laws (CBL) para sa mga People’s Organization na inaprubahan ng MOLE, bilang pangunahing ahensyang nag-aakredit ng mga community-based organizations at mga bagong negosyo. Ang dokumentong ito at ang mga prinsipyong nakapaloob dito ay nagsisilbing gabay upang mapalalim ang pag-unawa at pagtutulungan ng opisyales at miyembro sa mga gawain ng organisasyon at sa pag-unlad ng pamumuno.

Isang kumpletong kopya ng Konstitusyon at By-laws ng MOLE ang nakalakip sa seksyon ng Apendiks ng manwal upang higit na magabayan ang opisyales at miyembro ng FFO sa paggawa ng kanilang mga aplikasyon, pagbuo ng mga kaugnay na polisiya, at pagsunod sa mga pangangailangan ng akreditasyon.

Note: This publication was funded by the European Union. However, the contents are the sole responsibility of Teresita A. Narvaez, Ed.D. (Author) and the EU-BAEP WEE-SAFE Project partners, and do not necessarily reflect the views of the European Union.